कैवल्याचा पुतळा । प्रगटला भूतला

कैवल्याचा पुतळा । प्रगटला भूतला ।
चैतन्याचा जिव्हाळा । ज्ञानोबा माझा  ।।धृ।।

सांधकांचा माय बाप । दर्शने हरे ताप ।
सर्वाभूती सुखरुप । ज्ञानोबा माझा ।।१।।

ज्ञानीयांचा शिरोमणी । वंद्य जो कां पूजास्थानी ।
 चिंतकांचा चिंतामणी । ज्ञानोबा माझा ।।२।।

चालविली जड भिंती । हरली चांगयाची भ्रांती ।
 मोक्ष मार्गीचा सांगाती । ज्ञानोबा माझा ।।३।।

 रेड्या वेद बोलविला । गर्व व्दीजांचा हरविला ।
 शांती रुपे प्रगटला । ज्ञानोबा माझा ।।४।।

 ब्रह्म साम्राज्य दिपीका । वर्णिली गीतेची टीका ।
 विठोबाचा प्राण सखा । ज्ञानोबा माझा ।।५।।

 गुरु सेवे लागी जाण । शरण एका जनार्दन ।
 त्रैलोक्याचे जीवन । ज्ञानोबा माझा ।।६।।